Packages

Modullar öz içlərində funksiyaları saxladığı kimi, package-lər də öz içlərində modulları saxlayırlar.

Python modulu müəyyən sıraya görə axtarır. Həmin sıranı əyani şəkildə görmək üçün kiçik kod parçası yazmaq mümkündür:

import sys

for p in sys.path:
    print(p)

'''
/home/alicenab/Desktop/test
/usr/lib64/python310.zip
/usr/lib64/python3.10
/usr/lib64/python3.10/lib-dynload
/usr/lib64/python3.10/site-packages
/usr/lib/python3.10/site-packages
'''

Sıranın ən yuxarısındakı element birinci path elementi adlanır, python zip tipli faylları da adi qovluqlar kimi emal edə bilir. Məhz bu səbəbdən 8-ci sətirdə python310.zip faylını görmək mümkündür.

Kodun daxilində döngüdən əvvəl sys.path.append('/home/alicenab/Desktop/test2') yazaraq test2 qovluğunu ümumi siyahının sonuna əlavə edə bilərik. Əgər öz qovluğumuzu ümumi siyahının əvvəlinə əlavə etmək istəyiriksə, koda aşağıdakı sətri əlavə etmək lazım olacaq.

sys.path.insert(0,'/home/alicenab/Desktop/test2')

modullar və packagelər

python pathdakı hər bir fayl adını modul adı kimi başa düşür. Yəni pathdakı hər hansı faylı modul kimi koda import etmək mümkündür.

Pathdakı hər bir qovluq package olaraq başa düşülə bilər. Tək şərt ondan ibarətdir ki həmin qovluğun içində __init__.py faylı olmalıdır.

Package-lər özündə modulları cəmləşdirirlər. Packageləri də modullar kimi kod içində import etmək mümkündür. package-ləri import edərkən from açar sözündən istifadə olunur.

Aşağıdakı qovluq strukturuna nəzər yetirsək görərik ki, yeniPackage adında qovluq və onunla eyni səviyyədə yerləşən main.py adında fayl, yeniPackage qovluğunun içində isə iki ədəd fayl mövcuddur.

.
├── main.py
└── yeniPackage
    ├── __init__.py
    └── yeniModul.py

yeniModul.py faylının içindəki kod:

def yeniModulunFunksiyasi():
    print("Men yeni modulun funksiyasiyam.")

main.py faylının içindəki kodu iki cür yazmaq olar. Birinici üsulda faylın içindəki bütün funksiyalar hal-hazırda olduğumuz faylın içinə kopyalanacağı üçün bu resursların qeyri səmərəli işlənməsinə gətirib çıxarır. Birinci üsulda import etdiyimiz modul içindəki funksiyanı çağırarkən nöqtədən istifadə etməliyik. Məsələn: yeniModul.yeniModulunFunksiyasi()

İkinci üsul vasitəsilə konkret bir ad import etdiyimizə görə konflikt vermək ehtimalı mövcuddur. Bu səbəbdən as açar sözü də işlədə bilərdik:

Birinci üsul

from yeniPackage import yeniModul

yeniModul.yeniModulunFunksiyasi()

İkinci üsul

from yeniPackage.yeniModul import yeniModulunFunksiyasi
#from yeniPackage.yeniModul import yeniModulunFunksiyasi as yMF

yeniModulunFunksiyasi()
#yMF()

main.py faylı icra olunduqda ekrana aşağıdakı yazı çıxır:

Men yeni modulun funksiyasiyam.
Men yeni modulun funksiyasiyam.